عـــتـــــــــــــــــرة

تطوان العتيقة
شعـر

عـــتـــــــــــــــــرة

شعر وريشة 

الفنانة الشاعرة جميلة العلوي المريبطو

*****

عترة
عْتَرْتْ ....
و لْقْفْتْنِي نْظْرَة
تُهْتْ ...
بَيْنْ أَرْضِي ...و سْمَايَا
بَيْنْ حُزْنِي.....و هْنَايا
... بَيْنْ دَايَا... و دْوَايَا
ضِعْتْ... مْعَ النّْظْرَة الهَايْلَة...
نْتْلْفْتْ مْعَ البَسْمَة ....المَايْلَة
عْتَرْتْ و كْوَتْنِي جْمْرَة
تْمْنِّيتْ ...رَشَّة ....
نْبْرْدْ ...ونْغْلْبْ الدَّهْشَة
كُلُّو.... مْنْ دِيكْ الرّْمْشَة
عْتَرْتْ و لْقْفْتْنِي نْظْرَة
كانت نْلْفَرْحَة سْبَابِي ....
و كانت فْاللِّيلْ حَرّْعْذَابِي
سَيْل الهْوَى... شْلَّالْ ....
ما رْحَمْنِي ... مَا عْذَرْ عْتَابِي
تْمْنِّيتْ لَوْ يْعْطِينِي فَتْرَة
رْغْبْتْ و مَا سْمَعْنِي....
زَاوْكْتْ و لْقِيتُو حَجْرَة
و انا ....شكون يْعْذَرْنِي....
و انا ...انا اللِّي صَحْرَا
بْوَحْدِي كَنْعَانِي ....
عَطْشَانَة و لَوْ لِقَطْرَة
حَالِي ...حَشْمَانْ ....وَصَّانِي...
طَاحْ حُبِّي ....على صَخْرَة
قاسية صَمَّا....
ما حَسّْتْ ...بِاللِّي طْرَا
وانا .....نْطْلْبْ الرَّحْمَة ....
قلبي .....ما بْغَى يْبْرَى
يا ربي ....شْهَادْ القُدْرَة ...
ارْحَمْنِي مْنْ دِيكْ النّْظْرَة