تطوان العتيقة
شعر الزجل
شعر الزجل
الناس والتـــــــشـــــلالاق
 |
الفنانة الشاعرة جميلة العلوي المريبطو
الناس و التشلالاق
***
إذا لِيام تحكي
تطَّاون تبكي
على التاويل المنسي
على التًّهْجيجة اللي تْنْكِي
العروسة مادنتلف مع الحضارة د زمان
العروسة ما تلبس غير القفطان
الحاجّْ عمر مْذهَّب و مْشْجَّر
و الُّلوندريز بْلّْوِيوْنات مزهَّر
اسبانيا بالذهب مْتشَحْتشْحَة
و الراينة معدلة مْسْلّْحَة
العروسة بارزة أو لا حضارة
عليها قفطان غزالة و مسرارة
فوق عام دْتّْعَرْسِينَة تزيد عليه الريضة
اللباس كان عندو قياسو بالقاعدة
الصّْبية بالقْمِجَّة و الدفين
فالصيف حرير اولا موسلين
فالشتوة مليفة و الحسبي نْلْمْوَقْرِين
العجوزة عيب تَشحْتَّشحْ
الوان باردة اللي تصلح
الشويبي فلون السما
و الخضيضر فلون الما
الحميصي و عنق حمام
و الشويكي يشد الحزام
قاعدة فيها عبرة وحكام
اليوم متعرف حضارة من عروسة
تخلط لوز و بلٌّوط فنفس الكروسة
نزاد المرط دلماركة
قيمتنا رجعت فالتًّشبًّة
التٌشُّلَّاقَة بالملاين الكبار
تكوز موضتا بين ليلة و نهار
التبدير مايحبو ربِّي
صاك اولا سباط ما يجيب مايعبِّي
اللي كيتشرى كلو يرخص مع الزمن
إلا الاخلاق تغلى و ما عندا ثمن
ليست هناك تعليقات:
إرسال تعليق