تطوان العتيقة
شعر الزجل
قولالــــــــــــــــــــــــــــــــــــــي
بقلم وريشة الفنانة الشاعرة
جميلة العلوي المريبطو
قولالي
قولالي
قولالي ...
خَيْلاه ...قولالي…..
بغيت نسمعا منك..
ما خصني حد يوصلالي
عينك ...هضرت ..
لكن ...لسانك شَحّْ….
عَربْطْ ...
ما حبّْ ينطق بْلّي فبالي
خلي نور الفجر يشقّْ…..
خلي ضيّْ الصباح يدقّْ
و رحمني ....من سواد الليالي….
أنا يا سيدي بالشك مفنية…
مرة نغني و مرة يغلّْبْ عليا
ومرة يركبني الهم فالعشية….
و تغيب الدندنة و تموت الشجية
مرمَّة العذاب قاسية وتغزل…
و الخوف الجبار يقطع منجل
و الحيرة ذابحة …
و جنوني سارحة…
خاسرة ولا رابحة ؟
انا مزاوكة فيك
اشفق من حالي
واش نعزل ؟..
واش نفصل ؟…
واش لحبي نقتل ؟
قولالي.... خيلاه ....قولالي
بغيت نسمعا منك
ما خصني حد يوصلالي
عفاك ....
كن معايا معقول…
انا همي... ما بقى يزول
و صبري ....ما بغى يطول…..
عينك من غراما تقول
وفمك من حياه مقفول
انا كرهت ...
كرهت نفسي من كثرة هبالي
الزمن... طاير....يمشي بسكاتو….
و الهنا ...يغطي فمرة على داتو
قوة السكات ما عجباتو…..
عباتو وجابتو و مخطاتو
قتلاتو... قتلاتو…
قتلاتو ...وحياتو
.وقولالي...... خيلاه ....
وكلت عليك الله....قولالي
بغيت نسمعا منك……
ما بغيت حد يوصلالي
كلمة واحدة .....تلون ايامي.....
تفرحني .....
و تحقق احلامي ….
ونرتاح .....
نرتاح.....فمرة و نغلب نقامي…..
يزين حالي وتبرى سقامي
ونكون ديالك و تكون ديالي
وقولالي…. قولالي .....
دخلت عليك بالله .....قولالي
بغيت نسمعا منك……
ما خصني حد يوصلالي
واش مكتشُوفنيش كنلالي ؟
او كتعملا فرص بلعاني….
كيعجبك تشوفني كنعاني
ياك؟ ..
دقة بدقة …
هكدا بغيتيني نبقى ؟...
ديما معلقة ؟
.ديما النظرة بالسرقة….
واش انا فقلبك ولا برا فالزنقة ؟
مرة نكون لك وردة
ومرة نحس اني علقة
واش انا حبيبة ؟....ولا لصقة ؟
وغير نطقا……
ولا كتبا فورقة
عفاك....متخلنيش فالشك غارقة
الغربال تصفح ماهو فاني…..
صمم .. حالو حال الصواني
دابا مش تقولا أو نمشي فحالي ؟….
و بغيت نسمعا منك
ما خصني حد يقولالي…..
فهمني يا اللي كان سبب هبالي
.الشكوى نالله العالي …..
هو العالم بحوالي….
يلطف بيا فاللي جرالي
و قولالي..
قولالي
قولالي ...
خَيْلاه ...قولالي…..
بغيت نسمعا منك..
ما خصني حد يوصلالي
عينك ...هضرت ..
لكن ...لسانك شَحّْ….
عَربْطْ ...
ما حبّْ ينطق بْلّي فبالي
خلي نور الفجر يشقّْ…..
خلي ضيّْ الصباح يدقّْ
و رحمني ....من سواد الليالي….
أنا يا سيدي بالشك مفنية…
مرة نغني و مرة يغلّْبْ عليا
ومرة يركبني الهم فالعشية….
و تغيب الدندنة و تموت الشجية
مرمَّة العذاب قاسية وتغزل…
و الخوف الجبار يقطع منجل
و الحيرة ذابحة …
و جنوني سارحة…
خاسرة ولا رابحة ؟
انا مزاوكة فيك
اشفق من حالي
واش نعزل ؟..
واش نفصل ؟…
واش لحبي نقتل ؟
قولالي.... خيلاه ....قولالي
بغيت نسمعا منك
ما خصني حد يوصلالي
عفاك ....
كن معايا معقول…
انا همي... ما بقى يزول
و صبري ....ما بغى يطول…..
عينك من غراما تقول
وفمك من حياه مقفول
انا كرهت ...
كرهت نفسي من كثرة هبالي
الزمن... طاير....يمشي بسكاتو….
و الهنا ...يغطي فمرة على داتو
قوة السكات ما عجباتو…..
عباتو وجابتو و مخطاتو
قتلاتو... قتلاتو…
قتلاتو ...وحياتو
.وقولالي...... خيلاه ....
وكلت عليك الله....قولالي
بغيت نسمعا منك……
ما بغيت حد يوصلالي
كلمة واحدة .....تلون ايامي.....
تفرحني .....
و تحقق احلامي ….
ونرتاح .....
نرتاح.....فمرة و نغلب نقامي…..
يزين حالي وتبرى سقامي
ونكون ديالك و تكون ديالي
وقولالي…. قولالي .....
دخلت عليك بالله .....قولالي
بغيت نسمعا منك……
ما خصني حد يوصلالي
واش مكتشُوفنيش كنلالي ؟
او كتعملا فرص بلعاني….
كيعجبك تشوفني كنعاني
ياك؟ ..
دقة بدقة …
هكدا بغيتيني نبقى ؟...
ديما معلقة ؟
.ديما النظرة بالسرقة….
واش انا فقلبك ولا برا فالزنقة ؟
مرة نكون لك وردة
ومرة نحس اني علقة
واش انا حبيبة ؟....ولا لصقة ؟
وغير نطقا……
ولا كتبا فورقة
عفاك....متخلنيش فالشك غارقة
الغربال تصفح ماهو فاني…..
صمم .. حالو حال الصواني
دابا مش تقولا أو نمشي فحالي ؟….
و بغيت نسمعا منك
ما خصني حد يقولالي…..
فهمني يا اللي كان سبب هبالي
.الشكوى نالله العالي …..
هو العالم بحوالي….
يلطف بيا فاللي جرالي
و قولالي..
ليست هناك تعليقات:
إرسال تعليق